10 celularët që bënë historinë
Nëse shumica prej jush nuk e kujtojnë celularin e tyre te parë, apo më shumë akoma, llojet e para të celularëve, revista Focus sjell 10 celularët që bënë historinë.
1- DynaTAC, Motorola
Motorola DynaTAC 8000X është celulari i parë portativ komercial që ka marrë miratimin nga SHBA FCC më 21 shtator 1983 dhe u bë telefoni i parë celular që do të shitej në treg në vitin 1984. Kompania ofroi 30 minuta kohë për të folur gjatë 8 orëve. Ky celular në 1983 kishte një çmim prej 3,995 dollarësh.
2- Nokia 1011
Nokia 1011 – është lancuar në 1992-ën, ky ishte telefoni i parë dixhital i Nokia-s dhe është celulari i parë GSM që tërhoqi vëmendjen e publikut. Ai peshonte 475 gram, me ekran bardh e zi LCD dhe me antenë të lëvizshme. Nuk kishte kamera, ngjyra, bluetooth apo kartë memorie.
3- IBM Simon
Në 16 gusht të 1994 bota do të njihte smartfonin e parë i cili do të prodhohej në SHBA nga kompania IBM. Popullariteti nuk mungonte për IBM Simon i cili zakonisht ishte i përdorshëm më tepër në komunitetin e biznesit, vecantitë e këtij celulari ishin programet e kalendarit, makinës llogaritëse, lojra, etj.
4- Nokia 9000 Communicator
Nokia 9000 Communicator është lancuar në 1996 dhe ishtë lloji i celularit “gjithçka në një” i Nokia. Kishte email, shfletim në eb, fax, procesim në ord dhe kapacitete të tjera shpërndarëse.
5- Siemens S10
Në 1997, Siemens lançoi telefonin e parë me ngjyra, Siemens S10, me një ekran të aftë për të shfaqur ngjyrën e kuqe, jeshile, blu dhe të bardhë. Gjithsesi, katër nuancat që ofronte, janë shumë pak në krahasim me 16 milion që ofrohet sot.
6- Nokia 7110
Në 1999, Nokia hedh modelin 7110. Një revolucion i vërtetë. Telefoni i parë celular i pajisur me një broser ap për të patur akses në internet. Nokia 7110 është celulari i pari që ofronte mundësinë e marrjes së internetit.
7- Nokia 8210
Është celulari më i lehtë dhe i vogël i ndërtuar nga Nokia. Diku u bë i famshëm për shkak të mundësisë për tu përdorur nëpër burgje, pasi kishtë mundësi të futej aty pa u diktuar, ndërsa përdoret ende edhe sot, pasi ka bateri jetëgjatë dhe nuk jep mundësinë për tu ndjekur ne lëvizje. Ky lloj telefoni është i pajisur vetëm me infrared, bateria e tij zgjat shumë dhe ka përmasa të vogla.
8- Nokia 3310 dhe 3330
Bëhet fjalë për Nokia 3310. Për ata që nuk e kujtojnë, mjafton të themi se ky celular ishte në gjendje pune edhe pasi ta kishe hedhur nga kati i katërt i një banese. Që të dy i takojnë vitit 2000. Tipi 3310 ka arritur të shesë 126 milion ekzemplare. Ishtë shumë i fortë dhe rezistent.
9- NEC E606
Është përfaqësuesi i parë i gjeneratës 3G. Ofronte videocall dhe internet të shpejtë.
10- iPhone
U prezantua për herë të parë nga Steve Jobs në vitin 2007. Në vetëm 30 orë arriti të shitet në 270 mijë ekzemplare. Ky prototip shënoi një erë të re në botën e celulareve.
