Një fëmijë 1-vjeçar nga Gaza është evakuuar në vendin tonë mbrëmjen e djeshme (15 janar 2025) për një trajtim të specializuar mjekësor.
Lajmi është bërë i ditur nga Organizata Botërore e Shëndetësisë në Shqipëri, ku thekson se babai, vëllai dhe motra e vogëlushit janë akomoduar në qendrën e refugjatëve në zonë e Babrrusë në kryeqytet, ndërsa fëmija aktualisht po merr kujdesin mjekësor në Spitalin Universitar “Nënë Tereza”
Sakaq, OBSH shpreh falënderimet për kryeministrin Edi Rama dhe qeverinë shqiptare për lehtësimin e kësaj përpjekjet humanitare.
“Mbrëmjen e kaluar u krye evakuimi mjekësor për ofrimin e kujdesit kritik në Shqipëri për një fëmijë 1-vjeçar nga Gaza. Fëmija aktualisht po merr kujdesin mjekësor në Spitalin Universitar “Nënë Tereza”, ndërsa babai, vëllai dhe motra janë akomoduar në qendrën e refugjatëve në Babrru të Tiranës.
Një falenderim i madh për Kryeministrin Edi Rama dhe Qeverinë e Shqipërisë për lehtësimin e kësaj përpjekjeje humanitare. Mirënjohje Albana Koçiut, Ministre e Shëndetësisë dhe Mbrojtjes Sociale, Skënder Bratajt, kreu i Qendra Kombëtare Urgjencës Mjekësore Haki Çako, Drejtor i Përgjithshëm i Agjencisë Kombëtare të Mbrojtjes Civile, dhe zyrtarëve nga Ministria e Brendshme, për kontributet e tyre thelbësore. OBSH së bashku me partnerët mbështet koordinimin dhe fuqizimin e një mekanizmi standard, transparent të evakuimeve mjekësore.
Në aeroport, së bashku me zyrtarë të tjerë, për të pritur familjen ishte i pranishëm edhe Gazmend Bejtja, Oficer i ngarkuar i OBSH në Shqipëri.
Angazhimi i Shqipërisë për të mbështetur ata në nevojë është një shembull i rëndësishëm solidariteti. Meqë shumë pacientë nga Gaza ende kërkojnë kujdes urgjent mjekësor, përpjekjet e koordinuara ndërkombëtare mbeten vendimtare”,-thuhet në njoftimin e OBSH-së.
Më në fund një shembull shqiptar i shkëlqyer i humanizmit…Por Krimministri Eddrama nuk na la të protestojmë mbrojtje të popullsisë palestineze në Gaza .Nuk na la të mbledhim asnjë qindarkë, asnjë copë bukë,asnjë rrobë në emër të solidaritetit njerëzor dhe sot ka kurajon të flasë Ky Faqezi,që për shkak interesat e tij është gati që Atdheun tonë të dashur ta ndajë copë -copë.Mallkuar qofsh Ti Tradhtar i kombit shqiptar dhe : Mallkuar qofsha unë që të kam votuar… M’u thaftë dora…