E ka nisur me një minutë heshtje për viktimat në Kumanovë, fjalën e tij në protestën e sotme në Shkup lideri i LSDM-së Zoran Zaev. Përpara 100 mijë protestueve pa dallim etnik apo kulturor, lideri i opozitës kërkoi të mbahet 1 minutë heshtje për nder të 22 viktimave të aksionit policor në Kumanovë.
Pas kësaj, Zaev theksoi se ai dhe protestuesit nuk mund të pajtohe me këtë qeveri të padrejtë të Gruevskit, ndërsa nënvizoi se protesta do të vijojë deri në largimin e kryeministrit.
Sipas tij Maqedobnia ka nevojë të rikthehet në rrugën e demokracisë, të ndërmarrë reforma, të ngrihet në këmbë dhe jo e gjunjëzuar siç është me Gruevskin.
Zaev gjithashtu kërkoi dorëheqjen e menjëhershme të Këshillit Drejtues të Radio Televizionit të Maqedosisë si dhe një spastrim të listave zgjedhore. Sipas tij, Gruevski ka bërë pazare të fshehta në kurriz të Maqedonisë.
Zaev premtoi ndryshime ekonomike, ndryshime në arsim shëndetësi, heqjen e testimit ekstern, heqjen e maturës shtetërore, heqjen e matematikës për të gjithë nxënësit, gjykata të lira jo partiake.
Ndotësit e Ajrit do të duhet të respektojnë ligjin ose për ndryshe do ti mbyllim, deklaroi Zaev.
Fjalimi i liderit të LSDM-së, Zoran Zaev
“Po dërgojë një porosi të qartë nga të gjithë ne këtu, maqedonas, shqiptar, turq, romë, organizata, parti, Gruevski ti vet po e sheh që mbaroi koha juaj, Ikni. Asgjë më nuk mund të bëjë Nikolla Gruevski, përveç se të largohet nga kjo ndërtesë në të cilën i ka orët e njehura. Hajde ta zgjojmë nga gjumi këtë njeri që ti ndihmojë Maqedonisë dhe të largohet sa më parë. Ai duhet të largohet, patjetër e ka të largohet , zgjidhje tjetër nuk ka, për tu kthyer demokracia që ai e shkeli, për ta ngritur në këmbë Maqedoninë e cila ka rënë në dy gjunjë. Ky 17 Maji do të shkruhet në historinë e Republikës së Maqedonisë. Kërkoj dorëheqjen edhe të Prokurorit Marko Zvrlevski, dorëheqje edhe të drejtuesve të RTVM-së, dhe formimi I një qeverie kalimtare për të krijuar kushte për zgjedhje të lira dhe demokratike, pastrim i Listës zgjedhore. Kemi ardhur dhe nuk do të shkojmë derisa nuk e kthejmë paqen, drejtësinë dhe lirinë e qytetarëve. Kërkoj nga BE që të ndërhy në mënyrë direkte dhe jo si vëzhgues në zgjidhjen e kësaj krize. Ne premtojmë se kjo asnjëherë nuk do ti ndodhë Maqedonisë, un garantoj që Maqedonia do të bëhet shtet i përbashkët për të gjithë qytetarët që kanë lindur dhe jetojnë këtu pa marr parasysh përkatësinë e tyre etnike, Maqedonia do të jetë një shtet, një shoqëri e gjithë qytetarëve. Do të forcojmë multikulturën, kaloi koha e heronjve, do të ndërtojmë shoqëri multietnike. Paratë që janë vjedhur do të duhet ti kthehen popullit dhe shtetit. Ne nuk do të heqim nga puna administratorë, së bashku të gjithë do ta ndërtojmë të ardhmen e shtetit tone, Republikës së Maqedonisë. Paratë që janë vjedhur do të duhet ti kthehen popullit dhe shtetit. Ne nuk do të heqim nga puna administratorë, së bashku të gjithë do ta ndërtojmë të ardhmen e shtetit tone, Republikës së Maqedonisë”
