Më tepër se 1 milion kërkesa janë bërë për 700 mijë biletat në dispozicion për të parë Usain Bolt e Mo Farah duke garuar për herë të fundit.
Ata do të pensionohen pas Kampionatit botëror të atletikës në Londër, vitin e ardhshëm. Dhe, kjo do të jetë pjesëmarrja e fundit për nëntë herë kampionin Olimpik, Bolt, 30-vjeç.
Kurse, edhe Farah nga Britania e Madhe, kampion i botës dhe Olimpik në 5000 dhe 10.000 metra, ka vendosur të tërhiqet pas “Londër 2017”.
Organizatorët kanë njoftuar se 1 milion e 47 mijë bileta janë kërkuar deri më tani. Në to përfshihet edhe finalja në 100 metra ku Bolt pritet të përshëndetet përfundimisht nga karriera e tij e lavdishme. Vetëm kjo finale ka zgjuar interesim nga më tepër se 200 mijë persona.
Kapaciteti i stadiumit në Londër – që është edhe shtëpia e re e ekipit të Premierligës, Ëest Ham – ka kapacitet prej 50 mijë ulësesh për çdo seancë, përcjell “Zëri.info”. (b.an)
