Arrestohet një shtetas në flagrancë për veprën penale “ Korrupsion pasiv në sektorin privat” .
Me datë 14.01.2016, Specialistët e Seksionit për Krimin Ekonomiko – Financiar në Drejtorinë Vendore të Policisë Lezhë, nga informacionet e siguruara në rrugë operative dhe ankesat e shtetasve arritën të arrestojnë në flagrancë shtetasin:
- Genc Goci, 41 vjeç, banues në Fushë Mamurras – Kurbin, me detyrë punonjës i SH.R.S.F “Gjoka” p.k. pranë D.R.SH.T.Rrugor , dega Laç
Pasi ky shtetas duke qënë me detyrë punonjës i SH.R.S.F “Gjoka” pranë D.R.SH.T.Rrugor, dega Laç, favorizonte mjete të ndryshme jashtë rradhës për kryerjen e kontrollit teknik pranë S.G.S Laç, kundrejt shumave të ndryshme që variojnë nga 1000 – 3000 lekë të reja.
Shërbimet policore kanë vepruar pas ankesave të shumta nga qytetarë të ndryshëm për radhët e gjata të krijuara pa shkak pranë këtij institucioni, moment i cili shfrytëzohej në funksion të akteve korruptive nga shërbime të rojeve private të caktuara në këtë institucion.
Në cilesinë e proves materiale iu gjetën dhe sekuestruan një shumë prej 7000 (shtatë mijë) lekë të reja .
Materialet proçeduriale iu referuan Prokurorisë së Rrethit Gjyqësor Kurbin, për veprën penale “Korrupsion pasiv në sektorin privat“ parashikuar nga neni 164/b e Kodit Penal.
