Milani nuk po kalon një periudhë të mirë këto kohë, ndonëse janë shpeznuar shumë para në merkatot paraardhëse.
Para dy vitesh Silvio Berluskoni e shiti klubin kuqezi te kinezët, të cilët nuk e mbajtën më shumë se një vit, për ta kaluar më pas në pronësinë e fondit amerikan Eliot. Berluskoni kishte një përplasje në distancë me CEO-n e kuqezinjve, Ivan Gazidis, i cili para pak kohësh u shpreh se e shpëtuan Milanin nga falimentimi.
Për këtë ka folur edhe ish-administratori i deleguar i Milanit, Adriano Galiani, i cili është shprehur se ata kurrë nuk e shitën klubin te amerikanët: “Unë kam respekt për grupin Eliot. Ndonëse ata kurrë nuk e blenë Milanin. Ne e shitëm klubin te Jonghong Li, i cili mori para hua nga amerikanët dhe si garanci vendosi kuqezinjtë.
Unë flas me Berluskonin çdo të hënë për Monzën dhe Milanin. Ai është një tifoz i çmendur i kuqezinjve, i cili mërzitet shumë kur kuqezinjtë humbasin. Dashuria jonë për Milanin mbetet e paprekur. Për arsye financiare, ne duhej ta shisnim klubin. Unë besoj se këta drejtues do ta rikthejnë skuadrën në Ligën e Kampionëve.”, u shpreh Galiani.
g.kosovari
