Duke luftuar me erërat e forta, shirat e rrëmbyeshëm, baltën dhe temperaturat e ftohta, këto fotografi tregojnë shtegtimin e mijëra emigrantëve drejt Europës pavarësisht kushteve të ashpra të dimrit që po vjen.
Edhe pse një nga liderët europianë thotë se kriza në rritje do të shkaktojë kaos në Europë në javët në vijim, dhjetëra mijëra njerëz po vazhdojnë rrugëtimin e tyre për në Eurozonë nëpërmjet rrugëve të Ballkanit.
Këto foto tregojnë se emigrantët janë të vendosur e të përgatitur pavarësisht kushteve të vështira.
Kolona e emigrantëve është filmuar nga qielli teksa turmat lëviznin përmes fushave në Rigonce të Sllovenisë, pasi kaluan nga Kroacia.
Dhjetëra mijëra njerëz po përpiqen të arrijnë Europën Qëndrore e Perëndimore nëpërmjet Ballkanit, por shpesh u duhet tëp resin për ditë me radhë në shi e baltë në kufijtë e Serbisë, Kroacisë dhe Sllovenisë.
Që nga 17 tetori, më shumë se 62 emigrantë kanë arritur në Slloveni, me 14 mijë të tjerë që priten të kalojnë këto ditë.
