​Duka replikon me Braçen për dhunën te ‘Arena’: ‘Mushkonjë’ që përhap dhunë

Kreu i Federatës Shqiptare të Futbollit, FSHF, Armando Duka ka lëshuar ditën e sotme një lumë akuzash ndaj deputetit socialist, Erjon Braçe.

Jashtë natyrës time, madje dhe jashtë dëshirës personale, por i detyruar nga karrigia që kam dhe në emër të progresit të futbollit shqiptar, dua t’i them dy fjalë deputetit të Partisë Socialiste, të ashtëqujturit tifoz Vip të Partizanit Erjon Braçe, por që në fakt po vërteton përditë se është një tifoz i degraduar i një ekipi dinjitoz si Partizani.

Po e bëj këtë, jo se jam i shqetësuar për fyerjet, shantazhet, të pavërtetat që thotë në adresë të Federatës Shqiptare të Futbollit,( Federata në rrugën e saj për ta sjellë futbollin këtu ku është ka pasur shumë mushkonja vërdallë),po për të vetmin fakt, e theksoj të vetmin fakt, se statuset e tij publike, të thëna jo thjesht nga bluza e një tifozi, por nga kostumi i një politikani e parlamentari, janë nxitje e pastër dhune në futbollin shqiptar.

Ka shumë politikanë tifozë fanatikë kudo në botë, por të gjithë janë të kujdesshëm dhe për shkak të pozicionit që kanë dhe impaktit që kanë në opinionin publik, që të mos përdorin një gjuhë të tillë si ajo prej rrugaçi e Braçes.

Ju kujtoj këtu dhe ish liderin e partisë Demokratike dhe ish Kryeministrin Sali Berisha, i cili kur e pyesnin gazetarët se me kë ishte tifoz, përgjigjej jo pa qëllim “me atë që fiton”.

Erjon, futbolli është një sport që luhet në fushë dhe jo në kokën tonë. Futbolli është një sport i burrave me karakter të fortë, që flasin pak dhe luajnë fort, jo i atyre si disa nga ju në Parlament, që flasin shumë dhe nuk bëjnë asgjë. Unë dhe bashkëpunëtorët e mi mund t’i kapërdijmë shpifjet e tua për Federatën, por që të nxisësh dhunë dhe të “erionizosh” futbollin shqiptar siç bën me parlamentin dhe zonën e cila të zgjodhi deputet, këtë jo, këtë nuk e bën dot as me futbollin shqiptar dhe as me Federatën. Dhe a e di pse? Jo se nuk të lejojmë unë dhe bashkëpunëtorët e mi, po për një fakt të thjeshtë: standartet dhe niveli i futbollit shqiptar dhe i organizmave të tij janë shumë e shumë më lart se niveli i poltikës shqiptare.

Federata dhe futbolli shqiptar nuk janë Laguna e Karavastasë ku ti fut duart si të duash. Fatkeqësisht, kemi ëndrra të ndryshme: unë ëndërroj që politika shqiptare të arrijë nivelin e futbollit shqiptar, ndërsa ti ëndërron që futbolli shqiptar të arrijë nivelin e politikës. Duke pasur në subkoshiencë këtë ëndërr regresive, unë mendoj se ti nuk i duhesh as Partizanit si tifoz, gjithashtu mendoj se nuk i duhesh as Parlamentit si deputet. Meqë ra fjala, kam dëgjuar se si në Divjakë, pikërisht, prej sjelljeve të tua dhe gjuhës tënde për herë të parë pas 100 vjetësh ka tifoza të Tiranës. Nuk e di sa kanë ndërruar mendje dhe përkatësinë partiake prej gjuhës tënde, të them të drejtën. Gjithsesi kjo punë nuk më takon ta gjykoj unë, i takon shefave të tu. Unë nuk të ndaloj dot ty të vazhdosh të bësh “goren”, sepse dhe ti vetë, fundja fundit, ja ke pare hajrin rolit të gores në politikë, nuk të ndaloj dot as të jesh mushkonjë, por të jesh një “mushkonjë” që nxit dhe shpërndan dhunë e urrejtje në futbollin shqiptar këtë do të ta ndaloj gjithmonë sa të kem frymë, verbalisht dhe legalisht. Si përfundim, jam i sigurtë që nuk ke ndërmend asnjëherë të vizitohesh te psikiatri, sepse përveç të tjerave, siç thashë dhe më parë deri tani të ka dalë për mirë ky rol. Po gjithsesi, kur të kalojnë helikopterat e Ministrisë së Shëndetësisë për dezifenktimin e mushkonjave në Divjakë, rri dhe ti aty: unë e di shumë mirë, ti nuk do pushosh kurrë së qëni “gore” apo “mushkonjë”, por të paktën të jesh një mushkonjë që nuk shpërndan dhunë, se këtë nuk ta ka për borxh futbolli shqiptar.

ERJON BRACE
Reagimi i Dukës vjen pas shkrimit të deputetit Erjon Brace dy ditë më parë ku akuzonte kreun e Federatës Shqiptare Armando Duka. Pas dhunës në ndeshjen Skënderbeu-Partizani në ‘Elbasan Arena’, Braçe tha se, Krimi i Federates Shqiptare te Futbollit po vret endrren e qindra mijera te rinjve qe luajne futbollin.

Statusi i deputetit ne Facebook
Mos u jepini alibi, mbajini te mberthyer ne kete akuze.
Sistemi qe po vret futbollin ne kete vend!
Ekonomia qe padit kampionet e rreme,
Kampionatin e paravendosur ndeshje per ndeshje!
Krimi i Federates Shqiptare te Futbollit po vret endrren e qindra mijera te rinjve qe luajne futbollin.
Mmos u jepini alibi, mbajini te mberthyer ne kete akuze.

U perserit serish!
Por sot jam edhe me i deshperuar se me pare;
Nuk ka shprese- kjo eshte arsyeja.
Publikimi i nje raporti hetimi te UEFA-s mbi paracaktimin e rezultateve sportive te ndeshjeve te futbollit, ne kampionatin shqiptar, ne Champions e Europa League, here per perfitime prej basteve e here per te kapur te drejten per te luajtur ne keto gara evropiane per nje tjeter xhiro bastesh, ishte nje sinjal shprese.
Por u fik!
Me sakte e fiku presidenti i Federates Shqiptare te Futbollit.
Ai nuk u ndal kurre ne ate qe thuhej ne ate raport, ai ndaloi kedo te fliste per ate raport-media elektronike gjithashtu, ai ndertoi nje alibi te qarte politike per ti shpetuar atij raporti, ai nuk mori kurre ne analize ate raport, ai nuk mori kurre qofte edhe masen me formale si reflektim ndaj atij raporti.
Ai nuk e ben dot!
Tashme e gjitha eshte kthyer ne Sistem dhe ai eshte pergjegjesi.
Kur sot, e pashe ne tribunen e stadiumit te Elbasanit,
krah per krah e me nga nje rrote ne goje, me njerin prej te permendurve ne raportin e UEFA-s, individualizuar po ne ate raport si pergjegjes per rezultate sportive te rreme, mu erren syte!
Prej talljes natyrisht.
Prej talljes ndaj atyre mijera futbollisteve qe jane ftuar ne garen qe FSHF organizon-femije, te rinj por edhe prinder; prej talljes ndaj atyre qindra mijera njerezve qe kane pasion futbollin ne kete vend dhe, e ndjekim me zemer e shpirt-imagjinoni te gjithe ata qe ndjekin Partizanin udhetojne cdo ndeshje per disa qindra kilometra, me shpenzime financiare se pari.
Po te doni besojeni, po te doni mos e besoni;
Prej castit kur ata te dy u ulen ne tribune,
gara sportive mori fund-une e dija rezultatin, me mire me thene nje prej rezultateve, Partizani nuk do ta fitonte ate ndeshje, nuk do ta lejonin.
Keshtu ndodhi!
As qe dua ti hyj merites sportive dhe,
nuk them asnje fjale per te.
Fare!
Merita sportive ka vlere kur ndeshja eshte e ndershme,
luhet ndershem, gjykohet ndershem nga minuta e pare deri ne te fundit! Po them qarte se, nje ndeshje nuk behet e ndershme kur e luan keshtu vetem nje ekip-nje pale, por edhe kur e luajne te dy ekipet keshtu, duhet dhe arbitri te pajtohet me ndershmerine ne gjykimin e tij.
KJO NUK NDODHI!
POR KY ESHTE PROBLEMI!
Problemi i madh i futbollit shqiptar.
Jemi prej vitesh ne nje sistem ekonomik te lire e te kushtezuar nga marredheniet ekonomike kudo.
Liria ekonomike eshte thelbi i ketij sistemi dhe suksesi i tij.
Futbolli ne kete vend eshte jashte ketij sistemi ekonomik.
Ndaj eshte i mjere, pa kapitale, pa financime, troc nuk eshte maredhenie ekonomike-sipermarrje.
Dhe keshtu do te mbetet;
futbolli nuk do te behet dot ekonomi, me sakte nuk do e lejojne te behet ekonomi.
Eshte sipermarrje vetem per nje, ky eshte sistemi i tij.
Tani te gjithe e kane kuptuar kete.
Ndaj per futbollin nuk ka para, nuk ka kapitale nga ekonomia.
Eshte nje gare e pandershme, e korruptuar,
asfare kredibile dhe e paracaktuar.
Une nuk njoh sipermarres kudo ne bote qe,
te investoje para ne nje ekonomi qe eshte e kapur, qe nuk eshte konkuruese, qe dominohet nja Nje, i cili e ka te gjithen biznesin e tij.
Prej vitesh ne kete gare, i pari, i dyti, i treti dhe i katerti paracaktohen.
Kjo i ka marre kredibilitetin futbollit.
Por kjo i mohon ekonomine futbollit,
kjo mban larg nga futbolli kapitalet.
Shiheni, kush e financon sot garen,
kampionatin kombetar te futbollit-Superligen?!
Me thoni nje emer kompanie!!
Shihni kampionatet kudo dhe beni perqasjen.
Nuk ka!
Nuk e financon kush Superligen ne kete vend.
Po si ka mundesi qe ne Kosove, ne nje kampionat thuajse amator e pa cilesi, Raiffeisen Bank eshte financuesja kryesore dhe gara ka emrin e saj?!
Nuk ka pergjigje tjeter;
Eshte kredibiliteti i asaj gare, ndershmeria, pavaresisht cilesise. Cilesine e ka Barcelona, Reali, Bajerni, Juventus-cilesine e shohim ne tv, paguajme per te.
Paracaktimi i Kampionit dhe, deri atje, paracaktimi i rezultateve sportive te cdo ndeshjeje-sic pershkruhej ne raportin e UEFA-s, po e vret futbollin ne kete vend, per fare, duke vrare ekonomine e tij.
Ekonomia eshte e para qe dallon te pandershmen, te padrejten kudo; ndalon, nuk shpenzon parate atje.
Mjerimi ekonomik i futbollit deshmon me forte se cdo akuze e UEFA-s, me qarte se cdo akuze e munguar e prokurorise, pandershmerine e futbollit tone, paracaktimin e rezultatit sportiv te asaj gare.
Poo, ky eshte krim!
Nuk duhen lejuar te ikin prej ketij krimi.
Nuk mund ti shpetoje me kerkush,
pavaresisht fuqise politike apo financiare.
Asnje ngjarje tjeter nuk mund te sherbeje si alibi per ti ikur ketij fakti.
As arbitri i sotem-ai thjesht eshte instrumenti i lojes,
por jo arsye per ti ikur akuzes se madhe.
Kete here nuk eshte gjykimi i tij qe denoncon.
ESHTE EKONOMIA OR BUDALLA ME RROTE NE GOJE,
AJO PO TE DENONCON!
Te gjitha sa me siper nuk i them si politikan;
Ndaj mos te perpiqet kush te ndertoje alibine,
do ja shkermoq sa ta artikuloje.
Po shkruaj si nje nder ata mijera njerez qe sot ishin ne stadium dhe, iken prej andej te deshperuar; jo se nuk fituan por sepse nuk shohin shprese.
Si i tille dua te shtoj edhe nja dy fjale;
Se pari,
jam i shokuar nga sjellja e policise, madje forcave speciale te saj;
i shooooooookuuuuuuuuaaaaaaaaaaar!
As me duhet respekti ndaj meje kur rrihni njerezit e mi! Fare!
Nuk shoh prej vitesh kund ne stadiume police, forca speciale jo e jo.
Ne Shqiperi jam mesuar ti shoh kudo.
Por qe policia te hape portat dhe te hyje me dhune duke sulmuar ne mes te tifozerise, ky eshte kulmi.
Po lexoj kryepolicin qe urdheroi kete sulm te dhunshem qe paska thene se, tifozet e Partizanit ishin te dehur!!
Po si i dallove zotri? Kujt i bere test?
Po edhe sikur te ishin te tille, cpune ke ti? Ku shkruhet qe ti hyn me dhune mes tyre dhe rreh te dehurit? Po ceshte kjo e drejte qe i jepkeni vetes ju? Po mire kur i dehuri nget nje makine, por kur i dehuri kendon, therret, gezon cpune ke ti?
E kuptoni qe keni goditur vajza apo jo?
Po kush je ti dhe me cte drejte ligjore godet nje grua?
Ky eshte kulmi!
Jo vetem rrahja barbare sot, por mbi te gjitha alibia me te dehur!
Turp dhe pergjegjesi ligjore per secilin!
Se dyti,
kam ca fjale per rrugacet e Sistemit, pavaresisht ne jane tifozet e Skenderbeut apo nje ekipi tjeter.
Degjoni, nuk kam gje me ju, fare, thjesht jeni te mjere ne “gezimin” tuaj; ju nuk jeni Korca, ju nuk keni lidhje me Korcen, jo me token brenda kufijve te Korces, jo, por me Korcen qytetin dhe institucionin e kultures, dijes, pasionit, ndershmerise ne kete vend.
Ju jeni ushtaret e Sistemit, atij qe dallohet qarte vetem ne Korce, prej secilit nga tiparet e mesiperme.
Sistemi ju kandis, sistemi ju shqyen gojen.
Nuk kam folur per ju thjesht prej Korces, por sot jam me i bindur se kurre se Sistemi po tjeterson Korcen.
Korca duhet mbrojtur per ate qe eshte ne kete vend, Iiiiiinstiiiiiituuuuucioooon!
Nese nuk e kuptoni kete fjale, mos pyesni ata qe ju drejtojne, ata nuk jane nga Korca, mos pyesni as presidentin e Federates-sponsorin tuaj, ai as qe e di cdo te thote.
Mos u lodhni!
Une do merrem me Sistemin.
Ju pata thene te mos me detyronit te merresha sic di une-me fakte e prova me te, ju e kerkoni.
Por mbrojtja e Korces nga Sistemi eshte detyre.
E dini si;
Si qemoti, ne 1997-ten, kur nje tjeter Sistem, tepke me kete te futbollit, mashtroi dynjane me pasurimin e rreme, prej parave ne peme;
PIRAMIDA QUHESHIN, I GEZOHESHIN SIC JU SOT, POR JU DHEMBI PA FUND DITEN QE E VERTETA JU MORI GJITHCKA.
AAAA PO, PYESNI RIDVANIN DHE SALIUN SE UA SPJEGOJNE.

ma.me