Zyrtarisht vjeshtë, nesër mos dilni nga shtëpia pa çadër
Pas ditës së sotme, nesër bëni gati çadrat. Një sistem i fuqishëm vranësirash do të vendoset në vendin tonë që në orët e para të mëngjesit duke sjellë shira të dendur.
Më problematike situata do të paraqitet në zonat veriore dhe qendrore të vendit pasi shirat do të jenë me intensitet të lartë.
Pjesa e dytë e ditës do të vijojë me shira me intensitet të lartë pothuajse në të gjithë territorin e vendit ku në zona të veçanta do të shoqërohen me stuhi të forta ere dhe rrufe. Parashikohet që gjatë natës shirat të tërhiqen drejt zonave lindore dhe juglindore duke lënë pjesën tjetër të territorit nën dominimin e motit të vranët.
Sipas MeteoAlb, temperaturat e ajrit do të pësojnë rënie të ndjeshme në vlerat maksimale të ditës. Era do fryjë mesatare dhe e fortë duke arritur shpejtësi deri 60 km/h nga drejtimi – veriperëndimor për pasojë në det do të ketë dallgëzim 5 apo 6 ballë.
Redaksia Java News/ f.g
