Zyrtarët perëndimorë kanë informuar mbi të dhënat e fundit të luftës. Ata thonë se Rusia ka vazhduar të shtojë forca në dhe rreth Donbasit , por nuk ka pasur përparime të mëdha.
“Kur ata dalin kundër objektivave të vërteta ushtarake, e kanë të vështirë të kapërcejnë rezistencën e fortë ukrainase dhe po pësojnë humbje,” tha një zyrtar.
Shiu i dendur po pengon gjithashtu përparimin rus. “Rusëve nuk u pëlqen të luftojnë në shi,” tha një zyrtar, duke shtuar se ata kanë vetëdije të dobët taktike dhe vazhdojnë të vuajnë nga vështirësitë logjistike.
Ata kanë aftësinë për të operuar jashtë rrugës, por zyrtarët thonë se është e habitshme që ende zgjedhin të mos e bëjnë këtë.
Edhe në vendet ku forcat ukrainase e kanë gjetur veten të rrethuar, kanë arritur të rifurnizojnë forcat e tyre “për një kohë të habitshme”. Mariupol është shembulli më i dukshëm.
Zyrtarët vunë në dukje se edhe në vendet ku Rusia ka marrë terren, forcat ukrainase kanë treguar një aftësi të jashtëzakonshme për të kundërsulmuar.
g.kosovari
