Ukraina ka shpallur zyrtarisht gjendje të jashtëzakonshme për 30 ditë, pasi parlamenti miratoi sonte propozimin e Presidentit Zelensky.
Gjendja e jashtëzakonshme do të hyjë në fuqi nga mesnata sot, shkruan BBC.
Presidenti ukrainas propozoi në gjendje të jashtëzakonshme 30-ditore të gjithë vendin, ndërsa po përgatitet për një sulm të mundshëm ushtarak në shkallë të gjerë nga Rusia.
Gjendja e jashtëzakonshme përfshinë kontrollet e dokumenteve, ndalimin e protestave, evakuimin e qytetarëve nga zonat e rrezikshme dhe ndalimi i prodhimit dhe përhapjes së informacionit që mund të “destabilizojë situatën”.
Rezervistët ushtarakë ukrainas nuk do të lejohen të largohen nga vendi.
Më herët Ukraina u kërkoi qytetarëve të saj të largohen urgjentisht nga Rusia, pasi SHBA paralajmëroi se Vladimir Putin kishte mbledhur pothuajse 100% të forcave të nevojshme ushtarake për të nisur një pushtim në shkallë të gjerë të vendit.
Ndërsa diplomatët rusë evakuuan ambasadën e tyre në kryeqytet, qeveria ukrainase tha se një sulm masiv kibernetik kishte shënjestruar ministritë dhe bankat të mërkurën.
Zyrtarët kanë paralajmëruar se Rusia mund të përdorë elementë të luftës hibride për të mbjellë konfuzion përpara se të nisë një sulm ushtarak të gjithanshëm.
Sipas disa raporteve të mediave, të konfirmuara nga Guardian, Shtëpia e Bardhë ka paralajmëruar qeverinë pro-perëndimore të Volodymyr Zelenskiy që të presë një ofensivë në shkallë të gjerë në 48 orët e ardhshme. Qyteti verilindor i Kharkiv, 40 km nga kufiri me Rusinë, është në rrezik të veçantë, raportoi CNN, duke cituar inteligjencën amerikane.
g.kosovari
