Kryetari aktual i Prishtinës, Shpend Ahmeti, ka fituar një mandat të dytë në krye të Prishtinës. Fitorja e tij është konfirmuar vetëm pasi janë numëruar votat me kusht dhe ato me postë. Ka dalë para Arban Abrashit vetëm me 128 vota. Shpend Ahmeti ka marrë 861 ndërsa Arban Abrashi 733. Pra, kandidati i VV’së ka marrë 128 vota më shumë në kutitë me kusht dhe ato me postë. Llogaritur në total, Ahmeti ka dalë me 365 vota më shumë.
Ahmeti e fitoi garën në Prishtinë vetëm pasi bërë koalicion me AKR’në dhe Rrahim Pacollin.
Pa votat me kusht dhe me postë, Ahmeti kishte 237 vota më shumë se Arban Abrashi.
Ky është mandati i dytë i Vetëvendosjes në Prishtinë derisa më herët këtë qytet e kishte udhëhequr LDK’ja.
Sipas rezultateve të publikuara në fund të procesit Shpend Ahmeti i Vetëvendosjes ka marrë 42.262 vota ndërsa Arban Abrashi i LDK-së ka marrë 41.897 vota./a.m.
