Trajneri holandez, Frank De Bur, është shkarkuar tashmë zyrtarisht nga drejtimi i skuadrës italiane të Interit. Vetëm pak më shumë se dy muaj zgjati kjo aventurë në krye të ekipit nga Milano, pasi rezultatet mjaft të dobta sollën edhe ndërprerjen e parakohshme të kontratës.
Në komunikatën zyrtare të shkarkimit të trajnerit, Inter falenderon De Burin dhe stafin e tij për punën e bërë në krye të skuadrës dhe iu uron suksese në të ardhmen.
Ndërkohë gjithashtu është njoftuar se në takimin e ditën së enjte në Ligën e Europës, përballë Sauthemptonit në transfertë, ekipin do ta drejtojë trajneri i Primaverës, Stefano Veki. Ai do të jetë në drejtim të ekipit të parë deri në momentin e emërimit të trajnerit të ri.
ma.me
