Ishte diçka që pritej prej ditësh por tashmë erdhi zyrtarizimi që Ronald Kuman do të shkarkohej nga detyra e trajnerit të Evertonit. Pas humbjes së thellë ndaj Arsenalit brenda në “Goodison Park” me shifrat 2-5, skuadra nga Liverpuli mori vendimin e shkarkimit të menjëhershëm të teknikut holandez.
Ky lajm u bë i ditur nga vetë skuadra e Everton në faqen e saj zyrtare. Kuman ishte një ndër trajnerët më të paguar në Angli, por i cili lë detyrën e tij pas 16 muajsh. Ish-lojtari i Barcelonës nuk i plotësoi objektivat e klubit të cilët në merkaton e verës kishin shpenzuar miliona euro.
ma.me
