Edhe pse kishte një sezon fantastik, Granit Xhaka nuk ka arritur që të shpallet më i miri në Zvicër. Federata e Futbollit të Zvicrës ka ndarë çmimet për laureatët e vitit në futbollin zviceran.
Krahas shumë çmimeve, u nda edhe çmimi për lojtarin më të mirë të Zvicrës. Në garë ishin dy shqiptarët, Granit Xhaka dhe Valon Behrami si dhe zvicerani Yann Sommer.
Më i miri i Zvicrës u zgjodh portieri i Monchengladbach, Yann Sommer, që për shumë media po konsiderohet si befasi, pasi Granit Xhaka kishte një ndër sezonet më të mira në karrierë.
Ai fillimisht mori shiritin e kapitenit te Monchengladbach, derisa më pas u transferua në Premierligë te Arsenali për shkak të paraqitjeve mbresëlënëse në Bundesliga dhe me Zvicrën.
Ndoshta moszgjedhja e tij si më i mirë i Zvicrës, ka të bëjë me debatin prej disa muajsh nëse Xhaka duhet të vazhdojë me përfaqësuesen zvicerane apo të luajë për Kosovën.
Ky nuk është aspak një lajm i mirë për Granit Xhakën para ndeshjeve kualifikuese për botërorin ‘Rusia 2018’, citohet ”Express”. (b.an)
