Tuneli Gotthard, më i gjati dhe më i thelli tunel hekurudhor u inagurua në 11 dhjetor në Zvicër. Kalimi 57.1 km i gjatë, që ka qenë në ndërtim për 17 vjet dhe mendohet të zgjasë një shekull, është pjesë e një projekti infrastrukturor 22 miliardë dollarë për transportin e shpejtë të pasagjerëve e mallrave në zinxhirin malor që ndan veriun dhe jugun e Europës.
“Ndryshimi ynë vjetor në orare dhe hapja e sotme është një gjë e madhe. Por në krahun tjetër, stafi më tha dje në qendrën e operacioneve, se ishte koha të fillonim. Jemi përgatitur për këtë 3 vjet. realiteti është shumë herë më mirë se planifikimi,” u shpreh Andreas Meyer, shef ekzekutiv i hekurudhave zvicerane.
Treni i shpejtësië transporton pasagjerët në vetëm 17 minuta përmes një pasazhi që më parë, kërkonte ditë të tëra për t’u përfunduar. Rreth 260 trenë mallrash dhe pasagjerësh do të kalojnë çdo ditë përmes këtij tuneli. Rruga e re do të lejojë kalimin edhe të trenëve të mëdhenj, të cilëve do t’ju nevojitet tashmë vetëm një lokomotivë. Të parët që udhëtuan përmes tunelit ishin 500 fitues me fat.
“Gotthard është një mal i veçantë, pasi simbolizon rrugën tonë drejt jugut, ngrohtësisë dhe diellit. Është unike të jesh pjesë e udhëtimit të parë dhe të udhëtosh nga Zyrihu në Lugano në 2 orë.”
“U përpoqa të isha e vetëdijshme kur kalonim nëpër male. Ndjeva shpejtësinë të shtohej. Është speciale. Është udhëtimi i parë përgjatë tunelit më të gjatë në botë.”
“Është një moment historik për mua dhe doja të isha pjesë e kësaj.”
Kjo sipërmarrje gjigande hekurudhore po financohet nga taksat e karburantit, pagesat rrugore mbi automjetet e rënda dhe kreditë shtetërore që do të ripaguhen brenda një dekade./Ora/a.m.
