Një nxënëse shqiptare është përjashtuar nga klasa javën e kaluar në një shkollë të Zvicrës për shkak të shamisë. Lajmin e dha “Presheva Jonë” nga Zvicra duke ju referuar agjencisë së lajmeve ATS/SDA. Javën që lamë pas mësuam për rastin e një vajze shqiptare të klasës së 9-të nga qytetit i Thunit, në kantonin e Bernës, e cila ishte dëbuar nga mësimi nga ana e mësuesit të klasës dhe e drejtorit të shkollës për shkak të shamisë së saj.
Ajo është një nxënëse shqiptare nga Maqedonia, Lejla (14) e cila ndjek mësimet në shkollën e mesme në Thun (BE). Ajo gjatë mësimit kishte mbajtur një shami në kokë, e cila nga drejtoria e shkollës u dërgua në shtëpi. Kjo ka ngjallur reagime të shumtë në Zvicër.
Është ky rasti i tretë që “ju ndalohet” shamia nxënësve shqiptarë, që më pas falë drejtësisë zviceriane, vazhdojnë shkollimin me shami. Në Zvicër, pasi nuk ka ligj Federal që rregullon mbajtjen e shamive në vende publike dhe në shkolla, gjendja varet shumë qartë kantone. Kushtetuta Federale garantohet liria e besimit dhe ndërgjegjes, dhe neutralitetin fetar të shkollës.
