Një nxënës 12-vjeçar shqiptar në Walenstad të Zvicrës është rrahur dhe keqtrajtuar nga një grup nxënësish. Ngjarja është regjistruar gjatë orëve të pushimit, ndërsa nxënësi i klasës së pestë ka pasur lëndime të rënda në kokë dhe është dërguar në spitalin Chur.
“Është e pakuptueshme ajo çfarë ka ndodhur me djalin tim. Asnjëri nga nxënësit që e kanë rrahur nuk është dënuar dhe vazhdojnë të shkojnë rregullisht në shkollë”, thotë babai i nxënësit shqiptar. “Asnjëri nuk na është paraqitur të na kërkojë falje.”
Policia e Kantonit të St. Gallen e ka konfirmuar rastin dhe po punon për zbardhjen e plotë të ngjarjes, ndërsa babai tregon se djali është rrahur pa arsye. “Veç tjerash ata i kanë futur borë në gojë”.
Bota Sot
