Teksa konfirmoi se ka shkuar në 12 numri i të prekurve nga koronavirusi në Shqipëri, zv.ministrja e Shëndetësisë Mira Rakacolli deklaroi në konferencën për mediat se janë marrë skedat e udhëtarëve të kthyer nga Rinasi.
Ajo deklaroi se është bërë marrja e të dhënave të të gjithë udhëtarëve kur fluturimet me Italinë ishin të lejuara.
Sipas saj, lëvizja ka qenë e lirë, kanë ardhur të shëndetshëm dhe pa shenja.
“Ne që në fillim kemi kërkuar skedat e udhëtarëve me numrat e kontaktit. Ato janë marrë për këto ditë, jo për atëherë. Që nëse një person del i prekur, të vlerësonim skedën e tij për të zbuluar historikun e udhëtimit edhe vendin nga vjen”, u shpreh Rakacolli.
Zv.ministrja apeloi që të gjithë personat që kanë hyrë në Shqipëri nga zonat me rrezik epidemiologjik të plotësojnë skedën e udhëtarit në pikat hyrëse dhe të vetëkarantinohen detyrimisht për një periudhë 14 ditore nga data e hyrjes në fuqi.
g.kosovari
