Zv.ministri i Shëndetësisë Albert Nikolla la një “derë të hapur” për vaksinat nga Kina dhe Rusia, e kjo pak pasi dhe Gjermania shprehu predispozitën për t’i marrë ato.
“Ministria e Shëndetësisë ka në fokus ruajtjen e shëndetit të popullsisë. Nuk kemi paragjykime dhe, nëse një vaksinë kalon nga FDA dhe EMA dhe filtri i OSBSH, ajo vaksinë është e mirëseardhur, pasi efektiviteti nuk ka të bëjë se me nga vjen, por më vetë efikasitetin që ka.
Nuk ka asnjë paragjykim, por duhet të kalojë këto 3 parametra thelbësor”, tha Nikolla, deri dje këshilltar për çështje sociale në kabinetin Rama.
Nga ana tjetër, ky i fundit duket se ka patur një qëndrim politik në refuzimin e vaksinës rusë Sputnik V, ku një oferte të bërë nga ambasada ruse në Tiranë për sasi që mund t’i jepen Shqipërisë, siç Serbia që po merr në masë, iu përgjigj duke e refuzuar.
