Zv.kryeministrja Ledina Mandia ka qenë e ftuar në emisionin “Përballë” të gazetarit Lutfi Dervishi, që transmetohet në RTSH.
Ajo ka folur për disa çështje, ndërkohë që i ka dhënë të drejtë kryeministrit Rama për deklaratat në lidhje me paaftësinë e administratës shtetërore.
Më poshtë, disa nga deklaratat e Mandias:
“Përfundimi i detyrës së ministrave teknikë është çështje ditësh, pasi të përmbyllim rezultatin e monitorimit.”
“Nëse do të kemi ndëshkim për shit-blerjen e votës, mendoj se në të ardhmen ky fenomen do të frenohet.”
“Koha ka qenë e pamjaftueshme për funksionimin e task-forces. Do të duheshin 3-6 muaj që task-force të funkisiononte!”
“Ka patur raste të intimidimit dhe përfshirjes së administratës publike dhe policisë në shit-blerjen e votës.”
“Kam bashkëpunuar me sekretarin e përgjithshëm të kryeministrisë, ndërsa kryeministrin nuk e kam takuar asnjëherë.”
“Ka patur ministri që kanë raportuar se nuk janë kryer punesime dhe nga ana tjetër jam vënë në djeni që janë bërë punësime. Kam dërguar grupe kontrolli dhe ka rezultuar që gjatë fushatës ka patur punësime.”
“Sekretarët e përgjithshëm të ministrive, ku u emëruan ministrat teknikë kane qenë pengesë. Kanë krijuar artifice të panevojshme në mënyrë të vullnetshme.”
“Procesi i monitorimit ishte i vështirë për t’u realizuar. Adminsitrata jonë është e politizuar, ka nepotizëm dhe paaftesi. Jam dakord që duhet të reformohet.”
“Në task-force janë përfshirë ministritë që kanë patur lidhje me procesin zgjedhor. Nuk ka qenë qëllim spastrimi i LSI-së. Ne ishim aty për të krijuar kushte të drejta dhe të barabarta për të gjitha forcat politike.”
“Marrëveshja politike nuk përcakton mënyrën e funksionimit të ministrave teknikë. Ndërkohë që Kushtetuta e shpreh qartë se si kryhet emërimi dhe shkarkimi I ministrave. Prandaj do t’i qëndrojmë korrekt Kushtetutës”.
