Zv.kryeministri Erion Braçe është shfaqur surprizë mëngjesin e sotëm në disa prej zyrave të shërbimit ndaj qytetarëve në Elbasan gjatë një turi inspektues të tij në terren. Punonjësit e zyrave ku ka shkuar Braçe janë befasuar kur para tyre në 08.05 është shfaqur zv.kryeministri, i cili është interesuar për ecurinë e punës dhe problematikat me të cilat ata përballen.
Fillimisht zv.Kryeministri ka inspektuar Filialin e Zyrës së Postës Shqiptare sh.a Elbasan dhe më pas Zyrën e Punës së Sigurimeve Shoqërore. Qytetarët e pranishëm në këto zyra shërbimi e kanë vlerësuar me superlativa vizitën inspektuese të Braçes, i cili ju ka premtuar se ka ardhur koha që qytetarëve t’u shërbehet në kohë rekord dhe me dinjitet.
/a.meta
