Qindra peme ne LLogara. Në vijim të nismës për mbjelljen e sa më shumë pemëve, 1500 fidanë i janë shtuar Parkut Kombëtar të Llogarasë. Ministri i Mjedisit dhe Turizmit, Blendi Klosi, ishte të dielen në Llogara ku ftoi të gjithë qytetarët të kontribuojnë për një Shqipëri sa më të pastër e të gjelbër.
Gjatë fjalës së mbajtur ministri Klosi u shpreh se nisma për mbjelljen e pemëve është një kontribut për natyrën dhe do të ndihmojë në shmangien e erozionit në këto zona.
Gjthashtu, ministri Klosi kërkoi ndihmën e komunitetit, që më datë 22 prill, që është edhe Dita Ndërkombëtare e Tokës, kjo nismë ta gjejë Shqipërinë më të gjelbëruar.
Nga ana e tij, kryetari i Bashkisë së Vlorës, vlerësoi iniciativën e ministrisë së Turizmit dhe Mjedisit për të mbjellë pemë, në një zonë që ka nevojë për rehabilitim, për ti rikthyer bimësinë e munguar pas zjarrit të 2017-s.
