Shoqërohet në polici Hermes Nika, i riu shumë i njohur në vend për paraqitjen e tij të pazakontë dhe i pranishëm në disa emisione.
Nikaj i njohur ndryshe me pseudonimin “Zogu i Tiranës”, dyshohet nga policia për shfrytëzim prostitucioni.
Sipas mediave informative, bashkë me Nikën janë arrestuar edhe dy persona të tjerë.
Prokuroria i akuzon për shfrytëzimin e vajzave për prostitucion kundrejt vlerave 100-500 euro. Hermes Nikaj përdorte qendrat estetike, ku veç shërbimeve të qendrës, klientëve u ofroheshin edhe shërbime nga vajzat e shfrytëzuara për të kryer marrëdhënie seksuale kundrejt pagesës. Po ashtu, mësohet se ky grup shfrytëzonte vajzat edhe në clube të ndryshme të Tiranës, por edhe si eskorte, vajza që shoqërojnë personazhet VIP jo vetëm për marrëdhënie seksuale me lekë, por i shoqërojnë edhe në udhëtime, hotele, me vlera më larta financiare.
Në momentin e arrestimit, “Zogu i Tiranës” i ka mohuar akuzat, ndërsa dyshimet janë se ai ishte në rolin e menaxherit.
Hetuesit pritet të zbulojnë edhe persona të tjerë të përfshirë në këtë rrjet. /e.s/
