Policia e SHtetit ka sqaruar rrethanat në të cilat ra zjarri në gomonen e Policisë Kufitare në Himarë. Përmes një njoftimi policia sqaron se ngjarja erdhi si pasojë e një shkëndije në motor.
Njoftimi i policisë:
Rreth orës 19:35, ka rënë zjarr në një nga gomonet e Portit të Policisë Kufitare në Himarë (i fikur, i parkuar në port) ku është dëmtuar pjesërisht gomonia gjithashtu edhe drejtuesi i këtij mjeti, shtetasi me inicialet B.I., 46 vjeç, banues në Himarë (Punonjës i Policisë Kufitare Himarë), i cili është dërguar në spitalin Rajonal të Vlorës, jasht rrezikut për jetën.
Paraprakisht bëjmë me dije se zjarri është shkaktuar për pasojë të një shkëndije elektrike në momentin kur drejtuesi i gomones ka qenë duke kryer shërbimet përkatëse të nxjerrjes së ujit, nëpërmjet ndezjes së pompës.
Policia po kryen veprimet e mëtejshme proceduriale./a.m.
