Është rritur edhe më shumë bilanci i viktimave nga zjarret tragjike që shpërthyen në Los Anxhelos. 24 persona kanë humbur jetën si pasojë e këtyre zjarreve që u përhapën me një shpentësi të jashtëzakonshme.
Por parashikimi meteorologjik për era të forta gjatë kësaj të hëne (13 janar) ka ndezur frikën për riaktivizim të vatrave të zjarrit dhe përhapjen më pas të tyre në zona më të gjera.
14 mijë personel emergjence ka qenë dje (12 janar) në terren duke luftuar me flakët dhe paralajmërimi për era të forta, ka ndezur frikën e tyre për një përhapje të shpejtë të vatrave të zjarrit.
Ndërkaq, kujtojmë se më shumë se 12,000 struktura janë shkatërruar vetëm nga zjarret Eaton dhe Palisades, duke i bërë ato me gjasë përkatësisht zjarret e dyta dhe të katërta më shkatërruese në historinë e Kalifornisë.
“Rreth 105,000 banorë janë ende nën urdhrat e evakuimit të detyrueshëm. Nëse kushtet e motit dhe zjarri e lejojnë, autoritetet do të fillojnë të përpiqen t’i kthejnë njerëzit nga zonat e evakuimit në komunitetet e tyre duke filluar nga e enjtja”, tha Shefi i Zjarrfikësve të Qarkut të Los Anxhelosit.
