Një zjarr masiv ka përfshirë katin e 10 të një pallati në zonën e Rrugës së Elbasanit në kryeqytet. Nuk dihet nëse ka patur njerëz brenda në apartamentin i cili mësohet se është në pronësi të presidentit të “Partizanit”, Gaz Demi, i cili e përdor atë edhe për palestër.
Fatmirësisht flakët kanë përfshirë vetëm pjesën e papafingos në katin e fundit, dhe nuk janë shtrirë në katet e poshtme të pallatit.
Ende nuk dihen shkaqet e zjarrit, ndërsa flakët nuk kanë shqetësuar vetëm banorët e zonës aty pranë, por gjithë Tiranën.
Duke qënë se zjarri ka rënë në një lartësi të konsiderueshme, flakët dhe tymi janë fotografuar nga qytetarë të shumtë të Tiranës.
BW/d.i.
