Parkingu në zonën e Astirit në Tiranë është përfshirë nga flakët. Gazetari i Report Tv, Sokol Dema raporton se zjarri dyshohet të ketë qenë i qëllimshëm, madje nga vetë pronari i njërit prej makinave që është djegur.
Si pasojë e zjarrit, janë djegur dy makina, autor dyshohet të jetë vetë pronari i një prej mjeteve, por ende e paqartë se cili ka qenë motivi.
Shërbimet e Policisë në bashkëpunim me forcat zjarrfikëse po bëjnë evakuimin e banorëve të pallatit. Gjithashtu aktualisht zjarri është shuar ndërsa po punohet për të pastruar tymin.
Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
/f.stafa