Një zjarr i përmasave të mëdha ka përfshirë një sipërfaqe toke në një fshat të Sarandës i quajtur Shelegar. Siç shihet edhe nga pamjet e siguruara nga Report Tv po digjet një sipërfaqe toke me ullishte nga ku është rrezikuar edhe shtëpi aty pranë.
Flakët kanë rrethuar 2 banesa, por fatmirësisht banorët janë evakuuar në kohë, e ndërsa siç shihet në luftë me flakët dhe për shkak të terrenit të vështirë, zjarrfikësja e ka të vështirë të ndërhyjë.
Në një lidhje live për Report Tv, kryetari i fshatit Shelegar është shprehur se dëmi është i madh madje u rrezikuan edhe 2 banesa. Falë ndihmës së zjarrfikëses është bërë e mundur shpëtimi i dy banesave dhe evakuimi i banorëve. Teksa theksoi se kërkon ndihmë pasi territori është i vështirë, ndërsa era dhe bimët favorizojnë zjarrin.
“350 rrënjë të djegura, po rrezikohet edhe 500 bimë afër kishës dhe po rrezikohet edhe Shelegari, kërkojmë ndihmë, kemi komunikuar me zjarrfikëset na kanë thënë do vijmë, zjarrfikëset e Delvinës dhe Finiqit janë të bllokuara, ndihmë vetëm ndihmë se me punëtorë nuk fiket zjarri, dëmi është i madh dhe po vazhdon të digjet. Situata është tepër e ndërlikuar nuk mund të flasim dot nga tymi. Rreth 350 rrënjë janë djegur. 2 shtëpi ishin të rrethuara nga flakët por shpëtuan falë ndërhyrjes së zjarrfikëses. Jemi në një distancë të shkurtër, vendi është shumë i pyllëzuar, era ndihmon zjarrin duke fryrë. Jemi në pritje të zjarrfikësve. Janë bllokuar nga terreni i vështirë”, tha kryetari i fshatit.
Forcat e zjarrfikëses kanë mbërritur në vendngjarje dhe po punojnë për shuarjen e tij. Ende nuk dihen detajet e kësaj ngjarjeje, por nuk përjashtohet mundësia të ketë qenë e qëllimshmne. Zjarrvëniet e qëllimshme është një problematikë me të cilën është përballur shpesh herë vendi ynë. Pak javë më parë, 2 persona i vunë zjarrin një sipërfaqeje në Malin e Tomorrit, duke shkaktuar dëme të mëdha, për pasojë ato u arrestuar.
g.kosovari
