Panik në Durrës mëngjesin e kësaj të shtune, pasi raportohet se ka pasur disa shpërthime në një pikë të mbushjes me gaz në Porto Romano.
Dyshimet e para janë se kanë shpërthyer bombolat në fabrikën e gazit dhe se nuk ka pasur probleme në njerëz.
Zjarrfikësit kanë shkuar në vendin e ngjarjes dhe kanë arritur të vendosin flakët nën kontroll.
Ndërkohë Policia e Durrësit konfirmoi se mëngjesin e kësaj të shtune, rreth orës 08:30, në Porto Romano, Durrës, ka rënë zjarr në depozitat e gazit.
“Me ndërhyrjen e menjëhershme të zjarrfikësve dhe policisë, zjarri është fikur. Si pasojë e zjarrit ka vetëm dëme të vogla materiale”, bëri me dije policia në një njoftim paraprak.
Blutë thanë se grupi hetimor në vendngjarje po punon për përcaktimin e shkakut të rënies së zjarrit.
Më herët u raportua se banorët e zonës u evakuuan për shkak të shpërthimeve që ishin dëgjuar nga zjarri në depozitat e gazit.
g.kosovari
