Zidane është i zhgënjyer që vazhdon të flitet se Reali u kualifikua në gjysmëfinale të Ligës së Kampionëve falë ndihmës së gjyqtarit, Michael Oliver. Juventusi përmbysi rezultatin e ndeshjes së parë në “Santiago Bernabeu” dhe ishte duke fituar 3-0 deri në minutën e 92-të.
Kur u mendua se sfida do të shkojë në shtesë, gjyqtari i takimit akordoi penallti për Real Madridin, të cilën e konkretizoi në gol Cristiano Ronaldo. Penalltia e akorduar ka ngjallur debat në gjitha mediat botërore, ndërsa ka nga ata që thonë se :Real Madridi nuk e meritoi të kualifikohet në gjysmëfinale”.
“Është turp të flitet për vjedhje, jam shumë i zhgënjyer për atë që thuhet, jo për penalltinë, por për interpretimin. Për mua ishte dhe gjyqtari e akordoi, por nuk mund të jetë vjedhje, duhet të ndaleni”, iu drejtua Zidane gazetarëve.
“Është për të ardhur keq që flitet kështu, por kjo që po bëjmë po i shqetëson shumë njerëz dhe kur je më i miri, normal se të xhelozojnë. Unë do t’i mbroj të mitë, kemi bërë paraqitje fantastike, merituam të shkojmë tutje, pa asnjë dyshim”, shtoi ai, përgatiti “Gazeta Express”. (b.an)
