Zinedine Zidane e pranoi se klubit i duhet edhe një sulmues zone pas largimit të Moratas.
Afati kalimtar dimëror është larg, por Marca zbulon disa nga emrat që mund t’i intresojnë Real Madridit.
Nëse Reali dëshiron të futet në treg ka disa emra mjaft interesantë që do t’i kryenin punë klubit.
Kasper Dolberg (Ajax)
I riu që ka shumë potencial, Kasper Dolberg , do t’i mbush në tetor 20 vjet dhe me performancat e tij ka tërhequr vëmendjen e Borussia Dortmund dhe Monaco.
Timo Werner (Leipzig)
Një numër 9 klasik, lojtar që e gjen shumë lehtë golin. Timo Werner, sulmues i Kombëtares gjermane, ka shënuar 27 gola dhe këtë vit do të luajë edhe në Ligën e Kampionëve.
Domencio Berardi (Sassuolo)
Sumuesi 23 vjeçar, Domenico Berardi, shihet si nga më premtuesit në Itali. Ai është kërkuar nga shumë skuadra dhe mbetet objektiv i nxehtë edhe për dimër.
Ata që do të kërkohen në verën e viti 2018
Nëse Real Madrid nuk arrin të nënshkruajë me sulmues në janar, atëherë do të provojë në verën e vitit 2018.
Robert Lewandowski, Harry Kane, Pierre-Emerick Aubameyang dhe Andrea Belotti, janë emrat më të nxehtë.
Los Blancos do ta blejnë një sulmues medoemos edhe pse Benzema pritet të rinovojë.
