Zinedine Zidane duket se ka humbur besimin në BBC-në. Ky është sezoni që treshja sulmuese Gareth Bale, Karim Benzema e Cristiano Ronaldo, e njohur ndryshe si BBC, kanë luajtur më së paku dhe si pasoj e kësaj mos koordinimi i tyre në fushë është vërejtur në ndeshjet e fundit.
Në Spanjë ka filluar të debatohet nëse Reali i Zidane është më i fortë pa ndonjërin nga BBC titullarë, derisa tani edhe vetë trajneri i Los Blancos nuk përsërit fjalët e dikurshme: “ata janë të paprekshëm”.
“Do të shihni nesër kush luan. Të gjithë lojtarët janë gati dhe do të shohim çfarë do të ndodhë të shtunën”, tha Zidane kur u pyet nëse BBC do të startojë ndaj Athletic Bilbaos.
Përgjigje krejtësisht e ndryshme nga viti që lamë pas, ku Zizu pa hezituar aspak thoshte se BBC është e pazëvendësueshme, përgatiti ”Express”. (b.an)
