Zhvillimi me cilësi të lartë është përcaktuar si detyra kryesore e ndërtimit të një vendi socialist modern në mënyrë të gjithanshme në objektivat e vëna në Kongresin e 20 – të PKK-së.
Përcaktimi i fushave prioritare konsiston tek : përshpejtimi i krijimit të një modeli të ri zhvillimi, zbatimi me vendosmëri i strategjisë së zhvillimit të drejtuar nga inovacioni, ndërtimi i sistemit të ekonomisë socialiste të tregut të nivelit të lartë, promovimi në mënyrë të gjithanshme i rigjallërimit rural, përqendrimi në promovimin e zhvillimit të bashkërenduar rajonal dhe nxitja e hapjes së nivelit të lartë ndaj botës.
Këto masa strategjike synojnë të tashmen e të ardhmen dhe do të ndihmojnë për të zhdukur shqetësimet e botës së jashtme dhe për të rritur besimin në zhvillimin e Kinës. Në disa konferenca shtypi të mbajtura këto ditë, drejtues të lartë të departamenteve të ndryshme të KQ të PKK-së kanë nënvizuar prioritet e diskutuara në Kongres.
Në përgjigje të interesimit të medias mbi “modernizimin e stilit kinez”, në një konferencë u tha se “modernizimi i stilit kinez” është modernizim i një vendi me popullsi të madhe, me begati për të gjithë, me bashkërendim të qytetërimit material e të qytetërimit shpirtëror, me bashkëjetesë në harmoni ndërmjet njeriut e natyrës dhe me ndjekjen e rrugës së zhvillimit paqësor.
Kina nuk importon modelet e vendeve të tjera dhe kundërshton me vendosmëri që vendet e tjera t’i imponojnë Kinës modelet e tyre, e në të njëjtën kohë nuk eksporton modelin kinez, tha zv.drejtori i Departamentit të Promovimit të Komitetit Qendror të PKK – së ,Sun Yeli.
Lidhur me luftën kundër korrupsionit , si një drejtim i rëndësishëm i punës në të ardhmen në një nga proncimet e zyrtarëve të lartë politikë është theskuar sistemi i përgjegjësisë dhe se do të përmirësohen sistemi dhe mekanizmat për të parandaluar përhapjen e korrupsionit, si dhe do të rritet mbulimi gjithëpërfshirës dhe sistemi autoritativ e efikas i mbikëqyrjes.
