Dorëheqja e Zoran Zaevit nga posti i kryeministrit në Maqedoninë e Veriut pas humbjes së zgjedhjeve lokale ka vënë në lëvizje partitë politike në vend. Së fundmi, kreu i partisë më të madhe opozitare VMRO-DPMNE, Hristijan Miçkoski njoftoi në rrjetet sociale se ka siguruar shumicën e re parlamentare për të rrëzuar qeverinë e kryesuar nga LSDM-ja.
Në foton e publikuar në profilin e tij në rrjetet sociale, Miçkoski është ulur në tavolinë të përbashkët me liderin e së majtës Dimitar Apasievin, sekretarin e përgjithshëm të Besës Arjanit Hoxhën, kryetarin e Alternativës Afrim Gashin dhe sekretarin e përgjithshëm të Aleancës Shqiptare Arben Taravarin.
Në këto kushte, koalicioni qeverisës mund të humbasë shumicën parlamentare. Nëse nuk kalon votëbesimin në parlament, vendi i drejtohet zgjedhjeve parlamentare të parakohshme.
Në zgjedhjet lokale të ditës së diel në Maqedoninë e Veriut, LSDM-ja pësoi humbje serioze duke detyruar kryeministrin Zoran Zaev të japë dorëheqjen nga posti i shefit të qeverisë.
Postimi i kreut të VMRO-DPMNE-së Hristijan Miçkoski:
g.kosovari
