Vijojnë kërkimet nga ana e policisë për zhdukjen e dy personave. Sipas burimeve nga policia e Vlorës bëjnë me dije se hetimet janë përqendruar në duart e komisariatit të Durrësit pasi kontakti i fundit i të humburve Adriano Jaho dhe Ariseld Maze ka qene pikërisht nga ky qytet.
Ndërkohë të dhëna nga familjarët e të humburve shprehen se deri më sot nuk ka asnjë gjurmë mbi zhdukjen e dy personave, madje sipas po të dhënave nga familjarët edhe skafi mendohet se është mbytur pasi nuk ka asgjë gjurmë nga mjeti.
Sipas familjareve 52-vjecari Jaho dhe 28-vjecari Maze kishin shkuar në qytetin e Durrësit për të marrë mjetin tip skaf pasi e kishin çuar në servis.
Sipas familjareve dy personat e hodhën në det për ta provuar nëse mjeti ishte në gjendje pune. Mendohet se mjetit i kanë rënë tapat dhe është mbushur me ujë.
Sipas burimeve nga grupi hetimor mendohet se dy personat të jenë zhdukur bashkë me mjetin. Në një komunikate zyrtare nga policia këta dy shtetas janë larguar nga Vlora më datë 03.07.2017, rreth orës 10:30, në drejtim të qytetit të Durrësit me qëllim për të marrë një mjet lundrues detar tip skaf, të cilin e kanë pasur të ankoruar në Durrës dhe që prej asaj dite nuk janë kthyer më në banesë (Vlorë).
Ndërkohë që policia ka bërë edhe shpalljen në kërkim të tyre si persona të humbur dhe po punohet për gjetjen e tyre.
a.ç
