Tre persona, banues në kryeqytet janë zhdukur dhe shpallur të humbur nga policia pas denoncimit që kanë bërë familjarët e tyre.
Një 33 vjeçare, një 37-vjeçar dhe një 51-vjeçar janë larguar nga banesat e tyre përkatëse.
Mësohet se 33 vjeçarja dhe 37-vjeçari vuajnë nga probleme të shëndetit mendor.
Ndërsa një 23 vjeçar, ka kallëzuar në polici largimin nga banesa të babait të tij, shtetasit B. S., 51 vjeç.
Njoftimi i Policisë
* Më datë 08.12.2021, shtetasi L. H., 38 vjeç, ka kallëzuar se para një muaji është larguar nga banesa motra e tij, shtetasja L. H., 33 vjeçe, e cila vuan nga probleme të shëndetit mendor.
* Më datë 08.12.2021, shtetasi P. M., 74 vjeç, ka kallëzuar se më datë 04.12.2021, është larguar nga banesa djali i tij, shtetasi E. M., 37 vjeç, i cila vuan nga probleme të shëndetit mendor.
* Më datë 07.12.2021, shtetasi M. S., 23 vjeç, ka kallëzuar se më datë 05.12.2021, është larguar nga banesa babai i tij, shtetasi B. S., 51 vjeç./m.j
