Pas disa muajsh të pasigurisë politike, në Itali është arritur marrëveshja për formimin e qeverisë. Presidenti italian, Sergio Mattarella, i ka dhënë mandatin e kryeministrit, juristit Giuseppe Conte, ndërsa dy liderët e koalicionit qeverisës Luigi Di Maio e Matteo Salvini do mbulojnë rolin e zëvendës/kryeministrave.
Giuseppe Conte, i ka prezantuar presidentit, Sergio Mattarella, listën e tij të ministrave, për herë të dytë brenda një jave. Ministrat janë zgjedhur nga partitë populliste, Pesë Yjet dhe Liga e krahut të djathtë.
Ndërsa ekonomisti, Paolo Savona, i debatuar më herët për postin e Ministrit të Ekonomisë e Financave, do të jetë Ministër për Politikat e Bashkimit Europian, ndërsa Ministër i Ekonomisë është emëruar Profesori Giovanni Tria. Vetë Savona u shpreh i kënaqur që tabloja politike u plotësua, edhe pse jo shumë.
“Nëse arritën kompromis mbi emrin tim, u shpreh ai, do të thotë se e kuptuan që në fund të fundit, nuk jam dhe aq antieuropian”, u shpreh Paolo Savona.
Me zgjidhjen e ngërçit politik në Itali ka marrë zgjidhje dhe situata ekonomike, ku janë rritur bursat në vend.
ma.me
