Grupi Nismëtar për Referendumin e Ndryshimit të Sistemit Zgjedhor i ka çuar ambasadores së SHBA-së Yuri Kim një letër ku e falenderon për nxitjen që i sipas tyre i ka bërë klasës politike për trajtimin e cështjes.
Gjithashtu grupi nismëtar thotë se propozimi që u bëri përgjegjësve për Reformën Zgjedhore për të gjetur konsensusin, për votime me lista të hapura është i njëjtë me aspiratat e shoqërisë tonë për t’u zhvilluar si shoqëri demokratike.
“Shumë e nderuar Zonja Ambasadore Yuri Kim! Ne, përfaqësues të Grupit të Qytetarëve, Nismëtarë të zhvillimit të një Referendumi të Përgjithshëm për Ndryshim e Sistemit Zgjedhor, Ju shprehim mirënjohjen dhe falenderimin tonë për nxitjen që i keni bërë klasës politike për trajtimin e këtyre çështjeve.
Si dhe Ju, ne vlerësojmë se demokracia përfaqësuese nuk mund të jetë funksionale nëse qytetarët nuk kanë mundësi të zgjedhin me votën e tyre ata që do i përfaqësojnë në Parlament dhe Këshilla Bashkiake.
Propozimi që Ju i bëni përgjegjësve për Reformën Zgjedhore për të gjetur konsensusin, për votime me lista të hapura është i njëjtë me aspiratat e shoqërisë tonë për tu zhvilluar si shoqëri demokratike.
Ju sigurojmë se ne, nuk do rreshtim së përpjekuri për të bërë të mundur Ndryshimin e Sistemit Zgjedhor, ndryshim të cilin e konsiderojmë jetik për Demokracinë e Shqipërisë.
Me respekt,
Përfaqësuesit e Grupit Nismëtar.
Kristaq Kume
Brizida Gjikondi” shkruan grupi nismëtar.
/e.rr
Respekte per ju Z Ambasadore e SHBA e shtetit me te fuqishem ne bote,poulli shqiptare ka shume shpresa se ju do na ndihmoni te largojme kta bandite vrastare nga pushteti I pa merituar qe e mbajne me dhune.Plot 29 vjet me kta komunista e spiun te vete zgjedhur me sistemin e ndyre te komandantit te tyre dylle by.. q…. .Ndryshimi I sistemit zgjedhor largon komunistat,spiunte e hajdutet nga ky pushtet I korruptuar vrases.Thirja e popullit per ju Z Ambasadore eshte,mose na braktisini na ndihmoni jeni shprese e vetme dhe e fundit per ne popullin e pa mbrojtur nga askush.