Pas afro një orë e gjysmë, është ndërprerë takimi mes përfaqësuesve të Këshillit Politik për reformën zgjedhore me ambasadorët, në rezidencën e kryediplomates së SHBA, Yuri Kim.
Pas ndërprerjes së takimit, demokrati Oerd Bylykbashi dhe përfaqësuesi i Lëvizjes Socialiste për Integrim, Petrit Vasili, kanë shkuar në selinë e Partisë Demokratike, për tu takuar me Lulzim Bashën.
Ky takim i tyre, vjen në kuadër të konsultave, për arritjen e një marrëveshje për reformën zgjedhore.
Për të dytën ditë me radhë, ambasadorja e Shteteve të Bashkuara të Amerikës në vendin tonë, Yuri Kim, mblodhi sot në rezidencën e saj, ambasadorin e Bashkimit Euriopian, Luigi Soreca, atë britanik, Duncan Norman si dhe palët politike, lidhur me arritjen e një konsensusi për reformën zgjedhore.
Në takimin morën pjesë anëtarët e Këshillit Politik për reformën zgjedhore, socialisti Damian Gjiknuri, demokrati Oerd Bylykbashi, përfaqësuesi i LSI, Petrit Vasili dhe ajo e opozitës parlamentare, Rudina Hajdari.
Pasditen e sotme, ambasadorja amerikane ka njoftuar një deklaratë për mediat.
g.kosovari
