Komisioni Qendror i Zgjedhjeve do të zhvillojë neser mbledhjen e radhës ku do të shqyrtohen projekt-aktet dhe regjistrimi i 13 subjekteve zgjedhore për zgjedhjet e 18 qershorit.
Në një njoftim për mediat KQZ bënë me dije se në mbledhjen e së mërkurës në rendin e ditës është përcaktuar që të miratohet sasia e fletëve të votimit që do të prodhohen për çdo qendër votimi, për zgjedhjet e pjesshme për kryetar të bashkisë Kavajë, të datës 7 maj.
Po ashtu, KQZ do shqyrtojë regjistrimin e disa partive politike si subjekt zgjedhor si: “Për regjistrimin si subjekt zgjedhor i partisë “Aleanca e Maqedonasve për Integrimin Europian”, “Aleanca Popullore për Drejtësi”, “Partia Demokracia Sociale”, partia “G99”, “Partia e të Drejtave të Mohuara”, “Partia për Mbrojtjen e të Drejtave të Emigrantëve”, “Rruga e vërtet Shqiptare”, “Partia Socialiste e Vërtetë 91”,“Partia Shqiptare Atdheu”, partisë “Ardhmërija Shqiptare ”, partisë “Fryma e Re Demokratike”, “Partia Reformatore Demokratike” dhe “Partia Pajtimit Kombëtar”.
Gjithashtu bëhet e ditur nga KQZ se do shqyrtojë caktimin e disa qendrave të votimit në ndërtesa private, për zgjedhjet për Kryetarin e Bashkisë Kavajë, të datës 7 maj 2017. Për lirimin dhe emërimin e dy anëtarëve dhe sekretarit të KZAZ-së nr. 29, dhe të anëtarit të KZAZ-së nr. 37, Qarku Tiranë, për zgjedhjet për Kuvendin, të datës 18 qershor 2017 dhe për lirimin dhe emërimin e dy anëtareve dhe sekretarit të KZAZ-së nr.29, të anëtarit të KZAZ-së nr.37 Qarku Tiranë, për zgjedhje për Kuvend të datës 18 qershor 2017.
c.a
