Një nga premtimet e të gjithë kanditatëve është moratoriumi dhe këtë ka bërë dhe Velia, duke premtuar se do mbajë premtimin. Kandidati i së majtës për Bashkinë e Tiranës, Erion Veliaj ka premtuar të rivendosë moratoriumin e ndërtimeve në Tiranë në rast se qytetarët do t’i japin atij të drejtën të drejtojë qytetin në katër vitet e ardhëshme.
Duke bashkëbiseduar me një grup familjesh të reja në një takim në Parkun Rinia, Veliaj pyetjeve sesi do zgjidhej çështja e hapësirave të gjelbra dhe këndeve të lojërave për fëmijët u shpreh se një nga zgjidhjet që do jepte ishte edhe ajo e bllokimit të dhënieve të lejeve të ndërtimit në Tiranë.
E vetmja mënyrë që kandidati i së majtës në rast se zgjidhet kryebashkiak, ta bëj realitet këtë vendim është natyrisht mosdhënia e lejeve të ndërtimit, por pa ndërmarë një vendim konkret për pezullimin e dhënies së lejeve.
