Ndoshta përpara zgjedhjeve vendore dikush mund të ketë menduar se kandidatin e PD Doktor Halim Kosovën do ta votojnë masivisht gratë, kjo edhe për shkak të profesionit të tij.
Por rezultati është tejet i ndryshëm nga ajo çka u mendua. Kandidati i ASHE-së Erion Veliaj jo vetëm që fitoi bindshëm në kryeqytet por edhe vetë gratë kanë zgjedhur atë, të paktën gratë e burgut të kryeqytetit.
Në Qendrën e Votimit 1690 kanë votuar 101 persona. Nga këto Erion Veliaj mori 90 vota, Halim Kosova vetëm 3 vota ndërsa 8 të tjerat janë konsideruar të pavlefshme.
