“Këto ishin zgjedhjet më të mira të zhvilluara në vendin tonë”, deklaroi sot Ministri i Punëve të Brendshme, Saimir Tahiri, gjatë një deklarate për shtyp, ku bëri një përmbledhje të punës së Policisë gjatë proçesit zgjedhor.
Sipas Tahirit, fituesit e vërtet të këtyre zgjedhjeve kanë qenë qytetarët dhe shteti ligjor.
“Fituesit e zgjedhjeve janë qytetarët, demokracia dhe shteti ligjor, që pa demokraci nuk mund të hedhin rrënjë të shëndetshme në vendin tonë. Qytetarët dhanë një shembull qetësie e qytetarie, duke votuar në mënyrë shembullore. Por ishte edhe vullneti institucional,”, theksoi Tahiri.
Gjithashtu ai falenderojë institucionet ndërkombëtare dhe vendase për bashkëpunimin. “Falenderoj të gjithë kandidatët e mazhorancës dhe opozitës, me të cilët komunikova intensivisht. Dëshmuam se neve na ndajnë partitë, por kur na bën bashkë vullneti për zgjedhje të lira e të ndershme, realizimi i standardeve është tërësisht i mundur. Falenderoj kryetaren e KQZ, Lefteri Luzi dhe kryeprokurorin Llalla për bashkëpunimin, si dhe Drejtorin e Përgjithshëm të Policisë, drejtorët në rrethe dhe 6 mijë agjentët që u shërbyen qytetarëve për të arritur standardet zgjedhore”, nënvizoi Tahiri
