Policia e Shtetit bën të ditur se ka marrë të gjitha masat për mbarëvajtjen e zgjedhjeve vendore të 21 Qershorit. Në një dalje për mediat, nëndrejtori i Policisë Altin Qato theksoi se të dielën do të jenë 6699 oficerë të policisë që do të angazhohen për ruajtjen e rendit dhe të sigurisë.
“Policia e Shtetit ka marrë të gjitha masat e duhura për mbarëvajtjen e procesit zgjedhor. Këtë të dielë do angazhohen 6699 policë për ruajtjen e rendit dhe sigurisë publike.” tha nëndrejtori Qato
Sipas Qatos deri më tani situata paraqitet e qetë dhe nën kontrollin e plotë të autoriteteve të rendit.