PËRDITËSUAR 14:47 – Procesi i votimit për zgjedhjen e kryebashkiakut të ri në Kukës po vijon pa probleme.
Sipas të dhënave të publikuara nga Komisioni Qendror i Zgjedhjeve, deri në orën 14:00 kanë votuar 29,06% e votuesve.
Deri më tani mbi pjesëmarrjen në votime kanë raportuar 64 Qendra Votimi nga 74 gjithsej.
Konkretisht kanë votuar 11,926 zgjedhës.
Në garë për kreun e bashkisë Kukës janë Albert Halilaj i propozuar nga Partia Socialiste dhe Emri Vata, kandidat i propozuar nga koalicioni “Bashkë Fitojmë”.
/a.r
