Komisioni Qendror i Zgjedhjeve, në mbledhjen e ditës së sotme miratoi dy projektvendime lidhur me zgjedhjet e pjesshme në Kolonjë.
KQZ miratoi projekt-vendimin, “Për emërimin e kryetarit dhe zëvendëskryetarit të KZAZ-së nr.73, në zgjedhjet e pjesshme për kryetarin e Bashkisë Kolonjë, qarku Korçë, të datës 20 nëntor 2016.
KQZ vendosi të emërojë Robert Vasil Tallo, kryetar të KZAZ-së nr. 73, Kolonjë, dhe Arlind Engjëll Çaçani, zëvendëskryetar.
Gjithashtu gjatë mbledhjes u miratua edhe projekt-vendimi, “Për shqyrtimin e kërkesës për regjistrimin si subjekt zgjedhor të partisë, Partia e Ballit Kombëtar Demokrat”, për zgjedhjet e pjesshme për kryetarin e Bashkisë Kolonjë, të datës 20 nëntor 2016” .
KQZ vendosi regjistrimin e Partisë Balli Kombëtar Demokrat, si subjekt zgjedhor për zgjedhjet e pjesshme për kryetarin e bashkisë Kolonjë, 20 nëntor.
Zgjedhjet e pjesshme më 20 nëntor mbahen pasi ish- kryebashkiaku Arben Malo, u nda nga jeta si pasojë e një arresti kardiak duke çuar në zgjedhje të parakohshme.
Opozita garon me kandidatin Dritan Hajron, i cili vjen nga radhët e Partisë Agrare Ambientaliste, ndërsa mazhoranca me mjekun Ilia Stefo./a.k
