E fundit/ Kryeministri Edi Rama ka përshëndetur “Superfitoren” e zgjedhjeve në Kolonjë, duke vënë theksin te rritja e diferencës së votave në favor të koalicionit qeverisës, krahasuar me vitin 2015. Në zgjedhjet e një viti më parë, i ndjeri Arben Malo fitoi me një diferencë 727 vota, ndërsa Ili Stefo ka fituar me 2101. Rama shkruan në Facebook se rritja e numrit është inkurajim dhe detyrim për Partinë Socialiste.
“Faleminderit Kolonja për besimin e madh. Urime Ilia Stefos. Superfitore. +2101 vota (+727 në 2015) janë një inkurajim e detyrim i madh për ne”, shkruan Rama.
***
Ora 8:40, Komisioni Qendror i Zgjedhjeve ka dalë me një deklaratë zyrtare për rezultatin e zgjedhjeve për Bashkinë e Kolonjës. Sipas rezultateve, kandidati fitues, Ilia Stefo, ka marrë 62.86% të votave, ndërsa Dritan Hajro ka marrë 37.14%.
Kandidati i majte Ilia Stefo eshte kryetar i ri i bashkise se Kolonjesm pas procesit te numerit qe ka vijuar gjate gjithe naten,ai ka fituar perballe Dritan Hajros se koalicionit te djathte me nje diference prej 2100. (Ne perditesim)
KQZ njofton se pjesëmarrja në këto zgjedhje ishte 49.6%, teksa për të votuar u thirrën rreth 16 mijë qytetarë. 
Gara mes dy kandidatëve, Ilia Stefo (ASHE) dhe Dritan Hajros (PAA-PD) nuk ka kaluar pa incidente. Rreth orëve të mesditës, djali i kryetares së PS-së në Barmash është goditur me sende të forta nga disa persona ende të paidentifikuar.
Më herët procesi është ndërprerë në QV 4048/1 pasi pati një përplasje mes komisionerit të PD dhe vëzhguesit të PS.
