Në Francë, sot mbahet raundi i parë i zgjedhjeve parlamentare. Pjesë e garës, është për herë të parë partia e re e presidentit të ri francez, “En marche”.
Macron, i cili i fitoi me një epërsi të konsiderueshme zgjedhjet presidenciale të 7 majit në Francë, pritet të dalë me rezultate të kënaqshme edhe në procesin e sotëm zgjedhor.
Pritshmëritë vijnë pas sondazheve që tregojnë se partia e tij e qendrës, do të fitojë të paktën 30% të votave dhe do të pasohet nga Republikanët e krahut të djathtë me 20 për qind dhe Fronti Kombëtar i ekstremit të djathtë me 17 për qind.
Janë 7,882 kandidatë garojnë për Dhomën e Ulët të Parlamentit, e cila ka 577 vende. (b.an)
