Nënkryetari i PD-së, Agron Gjekmarkaj ka reaguar për herë të parë për rezultatin e zgjedhjeve të 6 marsit, në 6 bashki të vendit.
Me anë të një postimi në Facebook, Gjekmarkaj shkruan se kjo është një humbje tronditëse e cila ka tejkaluar cdo parashikim ogurzi.
Sipas tij, cdo justifikim është i papranueshëm për këtë humbje dhe për këtë arsye duhet të mblidhen me urgjencë organet e PD-së për të nxjerrë përgjegjësitë që çuan në këtë katastrofë elektorale.
Postimi i plotë:
Në zgjedhjet e pjesshme të 6 Marsit, Partia Demokratike pësoi një humbje tronditëse duke tejkaluar çdo parashikim ogurzi.
Përtej çdo rrethane kunder nesh, sado të dukshme e turpëruese, ne nuk mund të akuzojmë askënd pos vetes. Çdo justifikim është i papranueshem!
PD duhet të mbledhe sonte me urgjencë organet e saj dhe të nxjerre përgjegjësitë që çuan në këtë katastrofë elektorale.
Unë, prej dy muajsh jam njëri prej katër Nënkryetarve të PD-së dhe jam i gatshëm të mbaj pergjegjësinë time.
Nuk do t’i shmangem asaj per asnjë arsye apo interes që bie në kundershtim me vullnetin e shoqerisë dhe parimet e mia etike.
/b.h
Përpos të tjerëve, Gjekmarkaj, është njeri me karakter, gjë që, në ditët e sotme, zor se gjen të tjerë, në këtë Parti politike.
Udhetim të mbarë zoti Gjekmarkaj me njerëzit bashkëshoqerues e të pa karakter, të mbetur në këtë forcë politike, si precipitat nga dekantimi vegjetativ i abuzimeve dhe keqpërdorjes së demokracisë në kurriz të elektoratit të djathtë, aq i domosdoshëm për këtë vend, e që fatkeqësisht, është drejtuar nga ekstremistë të majtë, si Basha e Berisha.